بسم الله الرحمن الرحيم
[poem=font="Simplified Arabic,5,,normal,normal" bkcolor="transparent" bkimage="" border="none,4," type=2 line=1 align=center use=sp num="0,black"]
أيامنــا والليالــي كــم نعاتبهـا= شبنـا وشابت وعفنـا بعض الأحوالـي
تاعد مواعيــد والجاهـل مكذبهـا= واللي عرف حدهـا من همهـا سالـي
إن أقبلـت يوم ما تصفـى مشاربهـا= تقفـي وتقبـل وما دامـت على حالي
في كــل يوم تورينـا عجايبهـا= واليوم الأول تراه أحسن من التالـي
أيـام فـي غلبهـا وأيام نغلبهـا= وأيام فيهـا ســوا والدهـر ميالـي
جربت الأيام مثلـي من يجربهـا = تجريب عاقل وذاق المــر والحالـي
نضحك مع الناس والدنيا نلاعبـها= نمشي مع الفي طوع حيـث ما مالـي
كم من علومٍ وكــم آداب نكسبهــا= والشعر مازون مثقــالٍ بمثقالــي
اعرف حروف الهجاء بالرمز واكتبها= عاقل ومجنون حاوى كـل الأشكالي
لكن حظــي ردي والروح متعبهـا= ما فادني حسن تأديبي مـع أمثالـي
إن جيت أبي حاجـةٍ عزت مطالبها= العفو ما واحدٍ فــي الناس يا والي
قومٍ الـى جيتهـم رفـت شواربهـا بالضحك= واقلوبها فيها الردا كالـي
وقومٍ إلى جيتها صكـت حواجبهـا = وابد ت لي البغض في مقفاي واقبالي
ما كنــي إلا حــال مغضبهــا= والكل في عشرتـه ماكر ودجالـي
يا حيف تخفي أموراً كنت حاسبهـا= واللي على بالهـم كلـه على بالـي
الجار جافـي وكـم قومٍ محاربهـا= والأهل وأصحابنا والدون والعالــي
والروح ويش عذرها في ترك واجبها= راح الحسب والنسب في جمع الأموالي
نفسي تبي العز والحاجات تغصبهـا= ترمي بها بيـن أجاويـد وأنذالي
المال يحــي رجالاً لا حيـاة ابها= كالسيل يحي الهشيـم الدمدم البالــي
عفت المنازل وروحـي يوم أجنبها= منها غنيمة وعنها البعـد أولا لـي
لا خير في ديره يشقـى العزيز أبها= يمشي مع الناس في هـمٍ وإذلالـي
دارٍ بها الخــوف دومٍ ما يغايبهـا= والجوع فيها ومعها بعض الاحوالي
جوعى سرا حينها شبعـى ثعالبهـا= الكلـب والهـر يقـدم كل ريبا لي
عز الفتى راس ماله من مكاسبهـا = يا مرتضي الهون لا عزٍّ ولا مالي
دللت بالروح لين أرخصت جانبهـا= وأنا عتيبي عريب الجـد والخالـي
قومٍ تدوس الأفاعي مع عقاربهـا = ولها عزايم تهــد الشامـخ العالـي
خل المنازل وقل للبيــن يندبهــا= يبكي عليها بدمـع العيـن هطالـي
لا تعمـر الدار والقالات تخربهــا= بيع الردي بالخسارة واشتر الغالـي
ما ضاقت الأرض وانسدت مذاهبه= فيها السعــه والمراجــل والتفتالِ
دارٍ بدار وجيــرانٍ نقاربهــا= وارضٍ بأرض وأطلالٍ بأطلالـي
والناس اجانيب لين إنك تصاحبهـا= تكون منهــم كما قالوا بالأمثالـي
الارض لله نمشــي فـي مناكبهـا = والله قدر لنـا أرزاق وآجالـــي
حث المطايـا وشرِّقهـا وغرِّبهــا= واقطع بها كل فـجٍّ دارسٍ خالــي
واطعن أنحور الفيافـي في ترايبهـا= وابعد عن الهم تمسي خالي البالـي
من كل عمليـةٍ تقطــع براكبهـا= فدافد البيــد درهـامٍ وزرفالــي
تبعدك عـن دار قـومٍ ودار تقربها =واختر لنفسـك للمنزال منزالــي
لو مـتّ فـي ديرةٍ قفراً جوانبهــا= فيها لوطـى السباع الغبس مدهالي
اخير مـن ديرةٍ يجفـاك صاحبهـا =كم ذا الجفا والتجافـي والتعلالـي
دوس المخاطر ولا تخشى عواقبهـا= الموت واحد وبعد العـز يجلالـي
ان المنايــا إذا مـدت مخالبهــا= تدركك لو كنت في جو السما العالي
ما قرت الاسد في عالـي مراقبهـا= تسعى على الرزق ما حنت للاشبالي
والشمس في برجها والغيـم يحجبها = تقفي وتقبـل لها في العرش مجدالِ
رب السماوات يا محصي كواكبهـا= يا مجري السفن في لجات الأهوالي
ضاقت بنا الأرض واشتبت شبايبهـا = والغيث محبوس يا معبـود يا والي
يا الله من مزنــةٍ هبـت هبايبهـا = رعادها بات له في البحر زلزالي
ريح العوالي من المنشـا تجاذبهـا= جذب الدلى من جباء مطوية الجالي
ديمومةٍ سبلـت وأرخت ذوايبهــا= وانهل منها غزير الوبـل همالـي
تسقي دياراً شديد الوقـت حاربهـا= ما عاد فيها لبعض الناس منزالـي
يا جاهل اسمـع تماثيـلاً مرتبهـا= فيها معاني جميـع القيل والقالـي
مثـل المحابيـب زادت في قوالبها= في صرفها زايده عن قرش واريالي
يا ربي توبة وروحي لا تعذبهــا= يوم القيامة إذا ما ضاقت أعمالي
وأزكى صلاةٍ على المختار نوهبها= شفيعنا يوم حشرٍ فيه الأهوالــي[/poem]
(( بديوي الوقداني ))
القصيدة منقوله
تقبل كل التقدير والاحترام ام المهند
المواضيع المتشابهه
تقبل كل التقدير والاحترام ام المهند
العرض العادي
