[poem=font="Simplified Arabic,5,crimson,normal,normal" bkcolor="transparent" bkimage="http://www.alraidiah.com/vb/images/toolbox/backgrounds/18.gif" border="groove,6,crimson" type=2 line=0 align=center use=ex num="0,black"]
اتعبني الحلم ليـن الواقـع انكرنـي
كني مسكت الفرج بيـدي وهديتـه
.
مافي داعي على فرقـاك تجبرنـي
حتى الجفا منـك ولعنـي وحبيتـه
.
الجـرح عـدا زمانـه لاتذكرنـي
هـذاك وقـت تعذرتـه وجافيتـه
.
لوشفت دمع القصايد كان تعذرنـي
تصور ان الشعر يضحـك وبكيتـه
.
ماغيرونـي ياكـود الله يغيـرنـي
كم واحد عنـك يبعدنـي ورديتـه
.
وفيـت وادري وفايـا مايصغرنـي
صوبت يم الهدف لاكنـي اخطيتـه
.
من طار سرب الغلا والشوق طيرني
شف ماعلى الارض واحد ماتعديتـه
.
خذني على صدرك الدافي وسيرني
بعض الولع ياخذ الرجال من بيتـه
.
ابنشغـل فـي عيونـك لاتدورنـي
ودي بشـي اشوفـه مابعـد جيتـه
.
خليت قلبـي معـك والله يصبرنـي
مبطي وانا اقول قلبي ويـن خليتـه
.
اشتقت لك مابقيتك عـاد تشكرنـي
تغيب والشوق ماعمـري تباطيتـه
.
ماخذ على خاطري والبعد قاهرنـي
مدري شسوي وانا كل شي سويتـه
.
العام يوم الوعد تسبـق وتنطرنـي
مستغرب شلون هالموعـد تناسيتـه
.
وين انت رايح ولا كنـك معبرنـي
ماكني الـي علـى العالـم تمنيتـه
.
لاصار هذه علومك راح تخسرنـي
ماعمر احد راح من كيفه وناديتـه
.
عند الكرامه ابيعك وانـت خابرنـي
الله وكيلك ترى كـل شـي مريتـه
.
وكانه هجر بالسلامه روح واهجرني
اخـوي لاصـد عنـي ماترجيتـه[/poem]
عطا الله فرحان
المواضيع المتشابهه
Oo عند الكرامه ابيعك وانت خابرنـي ...الله وكيلك ترى كـل شـي مريتـه Oo
العرض العادي
