اخر المواضيع
اضف اهداء
الليالي يا صديقي ..تدحرجها رياحْ الوقت ..وكراسي كـ كراسكْ ينوح ..تبيها صدقْ أنا ضايعة فيك ..كأنك قبر وأنا ميت ..والليلة ..الليلة : موج ..وسهر ..صوت بحَّارْ ..و قطرة ياسمينة ..وفجرْ ..والليلة وحدي.. من يموت.. ووحدك تنتصر! تعبت أساير جروحي و أجاريها على الكتمان تعبت أرتّق حروفي و أغنيها علـى المجـرور تعبت اتمرّد بصمتي واهوّن فـورة البركـان أنا اللي للأمل:عطشى..وأحلامي هي الصنبور تعبت ولا لقيتك ياختناقي تعـزف الألحـان عتبت ولا لقيت إلا يديني ترتجـف بعْطـور تعب هذا المدى كنه أناني يحطـب الإنسـان عتب هذي الأماني تشبهك يالخاطر المكسور! يضج الظن /يستبسل/يُؤَرِق ذاكـرة أزمـان و أتوه أكثر أدورني بشعر يعـرّي المستـور ويتسوّل رجاي انه يخيّب في مـدى ماكـان و أتسنبل كأحلام الصغار اللي تقف بالـدور و أنا مابكتب أبياتي على بحر ولغـة و أوزان أنا بكتب جراحاتي على صفحة أرق وسطور أنا و شلون أحنيها كفوف الشك و الخسران تعبت أمشي طريقي بالظلام القاتم المهجـور أمشّط بالأماني شعرةٍ تحكـي انكسـار الآن وتسكبني مثل سكب الدموع و يرتبك ديجور و أحكي للمخدة سالفة حزني وجرحٍ خـان وتحضني تقول: ولايهمـك دربنـا معمـور ترى مايكسر ظنوني سوى لا استأسد الخوّان حلفت اني لخلي خاين أحلامي زهوره بـور [blink]من قصائد الشاعره / هديل العتيبي [/blink]
تــعــبـت ،،،!!!!!
العرض العادي
