هذا هو الواقع

[*عاشق الخبر*]

أخى (( صادق الوعد )) معلش على نقل ردى على موضوعك فى صفحه جديده

لكى تكون ظاهره أمام كبار المسئولين و أخواننا وأخواتنا

ابدأ كلامى بتحيه فالسلام عليكم ورحمه الله وبركاته

اما بعد احب اشكر الأخ (( صادق الوعد )) على الطرح الجيد

وحبيت ارد على هالموضوع لانه واااااااااااااااااااقع وعشناه

انا معكم وش كانت محافظة الخفجى قبل ...؟

انا عن نفسى كانه راقيه وجميله ومتكامله والكامل وجه الله سبحانه

اما الان العكس صحيح اصبحت مدينه وليس محافظه

دمار الشوارع ماعادت شوارع لابعد يقولون (( صرف صحى )) طيب الله يعطيهم العافيه

لاكن اذا عمل احدكم عمل فاليتقنه ...

ياناس الشوارع ماعادت صالحه تمشى عليها سيارت السيارات انعدمت من الحفر والمطبات الجنونيه

معاد يبيلها الا حصان نروح نداوم ونجى عليه بدل السيارات

بعد واحليله هالحصان ياخوفى هو بعد يتكسر << هذا يدل على تسيب الطرق

انا نفسى اعرف وين المسؤلين عن المحافظه....!!!!

وين المسؤلين البلدية ....!!!!

وينهم...؟

ولا هم فالحين قاعدين على هالمكتب ورجل على رجل ويتقهووون

الحين كل واحد منهم ياخذ راتب وقدره ولاكن المفروض الواحد يحلل راتبه ويسوى شغله

بكل صدق وامانه الحين هم ليه ماينزلون ويشوفون الشوارع ويشوفون اللى صاير << الا شافوها وشبعو من المطبات والحفر

انا ودى انكم تقارنون بين الخفجى قبل سنه والحين

بدل ما تطور قاعد تتأخر...!!!

احنا الحين كاننا بحرب واللى قاعد نشوفه بالشوارع اضرار الحرب

انا من هالمنتدى اناشد كل المسؤلين بأن تكون لهم جوله ميدانيه ويتواجدون معهم لو مره

بالشهر عشان يشوفون اللى حاصل ...

تدرون والله ان الحكومه مو مقصره

بس العماله مقصره تدرون ليه لانه مافيه رقابه

صح هم وش عليهم بدال مايعمرونها يخربونها<< اهم شئ تمشيلهم اجورهم كامله وماعليهم من الدنيا

للمعلوميه >>>> الفلوس اللى تسرفها حكومتنا للخفجى وين تروح والله ملاييين تصرف بس وين تروح

هنا السؤال..؟

والجوال .. مايحتااااااااااااااااااااااااااااااااااااااااااااا اااج حلال عمك لايهم << هذا اللى حاصل

انا لما اشوف الشوارع بالخفجى اقول بينى وبين نفسى لو يشرف عندنا

امير الشرقيه صاحب السمو الملكى الأمير محمد بن فهد حفظه الله

شنو بتكون ردت فعله بالنسبه للخفجى وهى واجهت السعوديه عند حدود دولة الكويت...!

والله حرام الخفجى كذا وهى محاوطه من أكبر شركات البترول

شركة تكساكو وبعدها الخفجى
شركة ارامكوا لأعمال الخليج وبعدها الخفجى
شركة ارامكوا وبعدها الخفجى

على العموم اسف على الأطاله ولاكن حبيت اعبر عن اللى بداخلى واللى اشوفه ونعيشه بالوقت الحالى

واحب اشكر الخ للمره الثانيه (( صادق الوعد )) على الموضوع الهاااااااااااااااام


والله يحفظ بلدنا ويحفظ اميرها ابو متعب الغالى

تقبلو حبى واحترامى

اخوكم

عاشق الخبر

[عشق الشمال]

ما اقوول إلا الله يعين المسؤولين علينا !!

أنا معك ياااابعدي إنها مشكلة كبيرة ، لكن ترى أغلب المدن في السعودية

عانت ولا زالت تعاني من هالموضووووع مهو الخفجي وبس !!

وبعدين أمرنا غريب وعجيب !!

ننادي وبأعلى الأصوات وننشد التطور والتقدم ، وقبل أن يبدأ المشروع نبدأ نحن بالسب والشتم

والانتقاداااات الجارحة وربما نبدا نشكك بالنوااايا والعياذ بالله !!

مشرووووع الصرف الصحي مهم جدآ جدآ والاهم منه أن ينتهي العمل منه بطريقة صحيحة وسليمة

وبترووووي أفضل من ( تلصمق ) الدنيا على بعضها بدوووون أي فاااائدة !!

اقتباس للمعلوميه >>>> الفلوس اللى تسرفها حكومتنا للخفجى وين تروح والله ملاييين تصرف بس وين تروح هنا السؤال..؟ والجوال .. مايحتااااااااااااااااااااااااااااااااااااااااااااا اااج حلال عمك لايهم << هذا اللى حاصل

عين خير يارجااااال ولا تحط بذمتك

والله مالي علاقة بالمسؤولين ولا أعرف منهم ولا واااااحد

لكن التشكيك بالنواايا والقذف بهذه الطريقة أمر غير محبب

ماذا لوكاااان المسؤول واااحدآ من أقاااااربك وسمعت عنه مثل هذا الكلاااام ؟؟


الله يعطيك العااافية على غيرتك ياااابعدي

[أبو زيدان]

[align=center]يعطيك العافية على هالحماس ياعاشق الخبر


لكن كلام عشق الشمال ( الدعوه عشق بعشق هههههههههه ) صحيح وهو أن نصبر عليهم شوي

ونعطيهم فرصة والشىء أذا صار بسرعة يروح بسرعة easy come easy go

والشوارع أتوقع أنهم يزفلتونها اذا أخلصوا من المشروع مرة وحدة


وتصبروا راح الكثير ومابقى الا القليل ويمدحون السياكل ههههههههههه[/align]

[الود طبعي]

[align=center]انا قلت من زمان
رددو ياليل مطولك
وبس
وشوف هذا الربط

http://www.alraidiah.com/vb/showthre...t=37440&page=2[/align]

[*عاشق الخبر*]

اقتباس المشاركة الأصلية كتبت بواسطة عشق الشمال ما اقوول إلا الله يعين المسؤولين علينا !! أنا معك ياااابعدي إنها مشكلة كبيرة ، لكن ترى أغلب المدن في السعودية عانت ولا زالت تعاني من هالموضووووع مهو الخفجي وبس !! وبعدين أمرنا غريب وعجيب !! ننادي وبأعلى الأصوات وننشد التطور والتقدم ، وقبل أن يبدأ المشروع نبدأ نحن بالسب والشتم والانتقاداااات الجارحة وربما نبدا نشكك بالنوااايا والعياذ بالله !! مشرووووع الصرف الصحي مهم جدآ جدآ والاهم منه أن ينتهي العمل منه بطريقة صحيحة وسليمة وبترووووي أفضل من ( تلصمق ) الدنيا على بعضها بدوووون أي فاااائدة !! عين خير يارجااااال ولا تحط بذمتك والله مالي علاقة بالمسؤولين ولا أعرف منهم ولا واااااحد لكن التشكيك بالنواايا والقذف بهذه الطريقة أمر غير محبب ماذا لوكاااان المسؤول واااحدآ من أقاااااربك وسمعت عنه مثل هذا الكلاااام ؟؟ الله يعطيك العااافية على غيرتك ياااابعدي

اهلا وسهلا بأخى عشق الشمال

اولا اشكر مرورك والله يعطيك العافيه على حماسك ودفاعك

اخى الكريم انا اتكلم بصوره واضحه وليس مخفيه لهذا الموضوع

يعنى من سنوات احد ناقش مثل هالأمور هاذى طبعا لا <<< كل شئ بوقته حلو

اخى انا لا احب ان اقذف كلام على المسئولين انا مع الحق تجاه الموضوع

مسئول وغير مسئول الحق حق

وانا اللى قاعد اشوفه من دفاعك على الموضوع وسلاسة اسلوبك بالكتابه تدل على

علاقاتك الجامده مع المسئولين <<< مبروك عليك اكيد عطوك ارض بالخفجى >> تستاهل

وبالنسيه للفلوس اللى قد دفعه من قبل الحكومه هذا شئ طبيعى

لأن الحكومه مو مقصره على كل المناطق تدعمها بمبالغ لكى تحسن من منظرها الخارجى

لجل المواطنين وهذا شئ ماننكره والله يديمها على حكومتنا يارب

والمسئولين مايقصرون نص للخفجى ونص لبطونهم وسفراتهم وياليت يعطون الخفجى نص

بس احب اقول كلمه ان شاء الله يجيلهم يوم هالحراميه المسئولين اللى بالخفجى

ملاحظه

بكل امانه انا ماعميت على كل المسئولين انا خصيت وهم عارفين نفسهم زين هالحراميه

اسف على الأطاله

عاشق الخبر

[طرثوث]

كلام سليم يا شيخ ... لا يجوز ان نقذف أحد ولكن من يصلح لي سيارتي اللي تكسرت ؟ طرح عجيب ... لا تصلحون سيارتي ولا تعطونا فرصه نعبر عن شعورنا باللي كان السبب .

[نجم]

يعطيك العافيه على الجهد المبذول


ونظرتك الحارقة كان لك هدف وهو ظهور الخفجي بالمظهر المطلوب

المشروع واقف صار له أكثر من أسبوعين واليوم الموعود أول رمضان

أتمنى أن تكون الشركة صادقه ..

وألا أطلع أشاعه أن أمير المنطقة الشرقية ناوي يزور الخفجي ..

سسسسلام ..

[عشق الشمال]

اقتباس وانا اللى قاعد اشوفه من دفاعك على الموضوع وسلاسة اسلوبك بالكتابه تدل على علاقاتك الجامده مع المسئولين <<< مبروك عليك اكيد عطوك ارض بالخفجى >> تستاهل

والله شي حلو لو يعطوني أرض بالخفجي !!

للعلم ياااابعدي أنا من أهل الجووووف وماااالي إلا سنة متعين بالخفجي

يعني ماااايمديني أتعرف على أحد عشاااان يعطيني أرض !!

<<< يتمنى يدرس أخوووك عشااان يكفخه

الله يعطيك ألف عااافية مااااقصرت

[*عاشق الخبر*]

والله مالي علاقة بالمسؤولين ولا أعرف منهم ولا واااااحد

ماذا لوكاااان المسؤول واااحدآ من أقاااااربك وسمعت عنه مثل هذا الكلاااام ؟؟

ياعينى عليك انت شفت سؤالك الأول فيه بعض الغموض

اما السؤال الثانى مايحتاج هههههههههههههههههههه << اسفين اذا غلطنا على واحد من اقاربك

والله انت رهييييب يا (( عشق الشمال ))

على العموم انا اكتفيك فى بعض الأسأله واشكرك اخى على مرورك

باى

[صادق الوعد]

[frame="7 80"][align=center]عاشق الخبر

شكراً لك أولاً وأخيراً على مرورك بموضوعي تحت عنوان تكفى يا صاحب السمو الملكي !!! ورابطه

http://www.alraidiah.com/vb/showthread.php?t=37443

وأنا من وجهت نظري الخاصة لو ثبت الموضوع " أقصد الموضوع الأول تحت عنوان تكفى يا صاحب

السمو الملكي " لكان بها حتى يأخذ حقه من النقاش .

أولاً : لأهميت الموضوع

ثانياً : لآن جميع هذه المواضيع تدور حول العنوان يعني المشكلة واحدة .

لك مني كل التقدير والإحترام

أخوك صادق الوعد [/align][/frame]