[align=center]السلام عليكم ورحمة الله وبركاته
بوقتنا هذا قليل الي يتسامح مع ابن عمه ولا مع احد قرايبوه
لاكن هذي قصه رااااااائعه لعقيل الجنفاوي مع ابن عمه فرحان الجنفاوي
قصه فيها من العبر والحكم الكثيرة
القصه صوتيه للي يبي يسمع مايحب يقراء
[rams]http://www.alraidiah.org/up/up/20618460920080322.rm[/rams]
حمل القصه من هنا كلك يمين حفظ الهدف بأسم
وهذي كتابيه للي يحب يحب يقراء
هذه القصة حصلت بين عقيل الجنفاوي وأبن عمه فرحان الجنفاوي عندما قام عقيل بقتل اخو فرحان ( فريح ) وهو يجلي عقيل يم خواله الغيثه ويسكن عندهم خايف من فرحان لأن فرحان معروف بالشجاعه والقوه والفروسية ويجلس عقيل عند خواله قالوا خواله يا عقيل حنا ودنا نغير اسمك نخاف يمر فرحان ويسمع ناديك باسمك ويعرفك ويذبحك وياخذ بثار أخوه فريح وافق وغيروا اسمه لـ ( عبيد ) ويجلس عندهم قرابة الثلاث سنوات وهم ينادونه باسمه ( عبيد ) وبحدا السنين قال عقيل اللي هو ( عبيد ) ابي احج واسقط فرضي اخاف يجيني فرحان ويذبحن وانا ما اسقطت فرضي وهم يقومون كل خواله حجيج مع عقيل منها لحمايه واسقاط فرضهم .
فرحان سمع ان ولد عمه عقيل حج وهو يروح بعد يحج خايف اذا خلص ولد عمه من الحج ان يتجه للديار الوسيعه ويضيع مكانه وبثناء الحج ومناسكه يقومون خواله يقولون انا لمحت فرحان والله بعرفه واللي يقول انا شفته بمنى ...............الخ
قضى الحج وكلن مشى لدياره والقافله اللي معه فرحان الجنفاوي رجعت وبطريقة مرض فرحان ويجون عند لهم عرب وهو يداوونه ويوم وصلوا عند شعيب يقاله شعيب القرشيين وهو يطلع بجسم فرحان نفر وهذا معناته انه مصاب بمرض الجدري فقرورا تركه ووافق وقال لهم ضعوني تحت شجره حتى استظل بها وعنو علي بعنه ( يضعون حوله شجر كي يحميه ) .وهو يعطيهم ذلوله وباروده وقال هذي امانه معكم اذا قابلتوا أي شمري عطوهن ياه مشوا بطريقهم وهم ينخون ركايبهم حول ديار الغيثه . شافوا الغيثه ذلول فرحان يعرفونه ولا عليه احد وهو يقوم حدا خوال عقيل يمهم يبي يشوف وش السالفه جاهم قال الذلول هذي لمنهو قالوا ذلول فرحان الجنفاوي قال ووين فرحان مااشوفه عليه قالوا فرحان مرض وتركناه بشعيب يقال له شعيب القرشيين صابه مرض الجدري ووصانا اذا قابلنا أي شمري نعطيه ذلوله وباروده وهاك ياهن وهو يرجع يم ربعه ويصوت باعلى صوته يا عقيل يا عقيل يا عقيل وهم يستغربون ربعه الغيثه شلون يناديه باسمه الحقيقي وهم متفقين ماينادونه الا ( عبيد ) جاهم وعلمهم السالفه ان فرحان مريض بمرض الجدري قال افى تعلموني ان ولد عمي مريض وطايح بالصحراء مايقدر يحمي نفسه . وهو ياخذ ذلوله قالوا خواله وين تبي قال ابروح اساعد ولد عمي هو الحين بحاجتي طايح ما عنده من يراعيه .
وصل عقيل لشعيب القرشيين وهو يلقى فرحان طايح من المرض وهو يساعده وقام وذبح ذلوله ويطلع الشوايا ويقوم يعطيه وشب النار ويقوم يدمثه ويجلس على هالحاله لمده 45 يوم الين ما كتب الله له الشفاء من المرض .
وهم يرجعون لديرتهم ويعشونهم ويقوم ابو فرحان يقول يا عقيل انت ذبحت ولدي ( فريح ) وانقذت ولدي الثاني لكن والله انك ولدا ًبداله .
وهي تنتهي السالفة وهو يقول عقيل الجنفاوي قصيده يحكي به حالته هو ابن عمه :-
[poem=font="Simplified Arabic,6,white,bold,normal" bkcolor="transparent" bkimage="backgrounds/26.gif" border="none,4,gray" type=1 line=0 align=center use=ex num="0,black"]
يا راكب اللي ينجبونه من التيه=يرعى زهر نوار عشب السحابه
فوقه غلام ً يدي العلـم راعيـه=سريع يوصل حاجت اللي عنابه
قولوا قعد ما هناك حيً حواليه=بدون ً من البيداء تطارد سرابه
في سهلى ً ما عندنا من نحاكيه=كود الطيور الطايـره والذيابـه
اتناء ولد عمي عسى الله يعافيه=ولا يصير بحفرة ً مـن ترابـه
والله والله يابن عمي ما اخليـه= اخاف من هرج ً على به عيابه
أخاف من رجلا ً يجيبه ويديـه=نقاله القاله علـى غيـر جابـه
هذاك حقه عند حيـي واهاليـه =اما عتق او جور وقتـه غدابـه [/poem]
وان شالله كل فتره نعطيكم سالفتن طيبه من شيم العرب الاوليين [/align]
المواضيع المتشابهه
هلا وغلا 
العرض العادي
