.. عشآني آرجوك // مسفر الدوسري ..

[~أصداف~]

.
.


هكذا بصمت (( مسفر الدوسري ))

أترككم معه ..


.
.



ولهتي لوْ شويّ علي ؟!

إشتقتي لي ؟!

.
.


قولي لي:
وشلون المسا .. من غيري ؟!
وشلون الصباح
وشلون يمَرّ .. يومك عليك !؟
باهت ؟
وبردان وحزين ؟!
والاّ يمرّ من بعدي روعه وممتلي؟!
حسبتي إن الفرقا مابيني وبينك..؟!
ولا ابتسمتي في سرك وقلتي هالزعل
مهما يطول
سحابة صيف أكيد .. أكيد بتنجلي !!
ولو تسمعين أغاني حنا نحبها
مايشاغبك قلبك يقول:
عشاني إتصلي عليه
وحشني صوته
ضحكته ..
حتى جمر كلامه واحشني .. وأبييييه
عشاني إتصلي عليه
عشاني أرجوك اسألي
حبيبتي..
ماشاغبك قلبك علي؟!
بالله قوليلي الصحيح:
" إشتقتي لي" ؟!
أمانه ودّي أسألك
طول الفراق ..فكّرتي فيّ ؟!
قعدتي مرّه بغرفتك .. تتمنظرين ..
وكنتي بكامل زينتك
وقلتي لغنج أنوثتك:
ودي يشوف تسريحتي
نفسي يشم هذا العطر
ويقول لي رايه فـ"الروج" الجديد
وأيّ اللي أحلى .. هذا ..
والاّ "روجي" الأولي ؟!
ودي يشاركني دلال أنوثتي
ويضمّني ..
ويمسح على راسي بحنان
هو يدري إن لمسة ايديه ..
فيها حياتي ومقتلي !!
حبيبتي فكّرتي فيّ..
وانتي على تسريحتك ؟!!
اشتقتي لي؟!
ما اكذب عليك
أنا كثير "إشتقت لك"
عمري أحسه من غيرك خَلي
لا أرضي أرض
ولا نجوم
تزيّن الليل بسماي وتعتلي
ضاااايع وينقصني انتماء
لاني لأحد ..
ولاني لي !!
أنا كثير اشتقت لك
حبيبتي..
ما اشتقتي لي ؟!

.
.



دمتم بخير ..