*********************
. ذاك اليوم سلمكم الله وانا جالس في البيت .. طبعاً في السور .. ومشغل المكيف كنديشن ( صحراوي ) ومشغل التلفزيون القناة الأولى واتابع برنامج [ ارضنا الخضراء ] <<< عزالله ماعنزتها ..
المهم وانا اتابع واحل واجبات اخوي الصغير في خامس ابتدائي رياضيات لأنه رايح ً لصديقه سعيد عشان يشتري منه ارانب وحمام الجوز على عشره ..
.. وبعد برهة من الزمن <<< اخس يالعشماوي
إلا وانا اسمع امي تصايح وتقول : وجع .. وجع .. يالملعونه .. يالخسيسه ..
قلت : افااااا الظاهر امي حطت الحره في الشغاله لأن رفيقاتها الحسناوات مسيرات ولا علموها .. !!!
.. طبعاً تعرفون البطل منهو في القوصه .. اكيد انا .. وماخذ بدل سمعه ..
إلا وانا اطمر ذيك الطمره تقول مقروص .. وانطل اللي بيدي وطوالي على مصدر الصوت .. واخذ عصا المكنسه ولبست لباس الحرب .. وقلت اليوم يومك يا ..... ماني قايل لكم اسم الشغاله ... تحياتي
كنت ناوي بها لكي آخذ ثأئر العجوز اللي هي امي ..
مع ان الشغاله .. ... لايمكن عرض الصفحه ..
الموهم .. تجيك السالفه لا تحرص .. بس بعد هالروبيرتاج :
_____________________
.. تعلن شركة ابو عبدالله .. عن قدوم افضل مقدمي دعايات حفايض بامبرز .. من لديه بزر فعليه تقديم ملفه لشركة ابو عبدالله .. واختيار البزر بعد الفرز النهائي ..
_____________________
[ عـــــــــودنــــــــا ]
.. وانا رايحً لاتجاه الصوت .. إلا والوالده حفظها الله في المخزن ( المستودع ) وفي رواية اخرى ( ارشيف البيت ) وماسكنه معها مجرفه .. قلت أوماه وش السالفه ؟؟
قالت : فيذا قطوه خيستني في الليل تعوي وفي النهار تخبط المواعين والصحون ..
ثم قالت : تكفى يا ولدي عليك بها .. !!
وبعد ما سمعت كلمة تكفى .. حسيت ان امي مظلومه ومقيده بالسلاسل والحد يقدر يساعدها .. <<< متأثر بوالاس .. القلب الشجاع ..
وبعد ذاك النداء الغالي على قلبي .. فصخت الثوب وعلقته طبلون عداد الكهرباء او الكرهباء - واقعد امغط يدي يمين ويسار .. الخ ومن حركات ( مالك إلا هيفاء )
.. الدعوى في المستودع حوسه وخرابيط من ( اكياس رز ابو بنتين - ومن اكياس دقيق بر ابو خط احمر - وكراتين صابون تايد - وكرتون فاصوليا لون .. ومن مشتقات المعلبات )
.. والقطو السخيف المتهم والمطلوب متوزي اي مختبأ وراها لأشياء ..
وانا ابحك وادور .. وكل شوي شايل كرتون ومنزل كرتون .. حتى وصلت إلى القمه .. اقصد وصلت االدولاب القديم ( النمليه ) وهذي النمليه مليانه من الفناجيل والبيالات والدلال القديمه والبرتسات << جمع اباريق .
.. والمتهم الأول مختبئ وراها ..
من الحماس الزائد والمفرط << مدري وشذي
.. اخذتني النشوه بأن ابعد وازحجل هذه النمليه اي الدولاب .. عشان القي القبض على المتهم .. وانا من زود اللقافه .. صملت على الدولاب بحركها ..
إلا والله ما امداني ارفع راسي إلا الدله موقعه على جبهتي ولحقها البريق على الخنفره ..
وماوعيت إلا انا في المستشفى واناضر اللي حول .. قلت ولش السالفه ؟؟
قالوا انت في المستشفى وفي راسك شلخ بأربع رتب ..
:love :p :love :p
ملطووووووش ومنقووووووول واللي فيه خير يقاضيني
خخخخخخخخخخخخخخخخخخ
اختكم
الريم
العرض العادي
