الى المسؤل عن شوراع الخفجي بالبلديه..

[سمح المحيا]

السلام عليكم ورحمة الله وبركاته ...

وصباح الخير للرائديه واعضائها ومشرفيها..

رساله ابعثها لبلديه الخفجي

واتمنه ان توصل لهم ويجاوبون على استفساري...

الكل يعرف شارع الامير نايف

طبعا الحين الشارع ما عليه عقب الزفلته الجديده واللي ضبط فيه الشارع

بس باقي تقاطع شارع الامير نايف مع شارع البلديه عند اشاره المرور

لكن اليوم تفاجات بشئ جديد واول مره اشوفه بحياتي


اول مره اشوف شارع رئيسي وبنص الشارع

(( مطب صناعي ))

اكثر من مليون علامه استفهام على هاذا المطب

شارع رئيسي تحط مطب بنص الشارع ليش

ما فيه تقاطع عشان نقول المطب عشانه


اتمنه اذا احد يعرف مسؤؤل بالبلديه يوصل له سؤالي

والحكمه من وراء هاذا المطب


وتحياتي لكم

اخوكم \\ سمح

[!! عبدالله !!]

للاسف انا اتوقع ان فيه شخص مسؤول يتلذذ بتعذيب اهل الخفجي في وضع المطبات في كل شبر من الشوارع

وماهي مطبات اجبال صايره وسياراتنا تهشمت من تحت بأسباب المطبات

الله يعيننا بس

[فايز العنزي]

يفكرون يسوون دوار في التقاطع هذا والله اعلم

لكن من المهم قبل لايحطون المطبات يعلمون الناس بوضع لوحات ارشاديه كل من يطيح في المطبه يلعن ويشتم في الشهر الفضيل

لكن مانقدر نقول الا لاحول ولاقوه الا بالله

[سمح المحيا]

حياك يالسلطان

وهاذا اللي صاير صراحه من بلديه الخفجي..

[سمح المحيا]

اخوي فايز طيب بيحطون دوار يقربون المطب من الدوار

مو قبل الدوار بكيلو..

وبعدين عالاقل لوحه ارشاديه عن المطب

والله مطب مسويه المهندس على مزاجه

يعدم الموتر لو نجيه وانت ما تدري عنه

[الصقر 9]

هلا ياسمح المحيا
اولا:اشكرك جزيل الشكر على طرحك للموضوع المهم والخطييييير لانه فعلا نقول لمسؤلين البلديه اتقوا الله فينا الشارع يسفلت عدة مرات ويشال وكل يوم تعديل واصلاحات وتحويلات وانا متأكد انا بدون خطط مدروسه واتنظيم سياراتنا راحت فيها من كثر المطبات السالفه ماهي على هيكل السياره من زين هالمطبات خربت الكفرات والله العظيم وانا شخصيا تعرضت لهذا الموقف مع انني ماني مسرع لكن الشكوى لله امامك (مميل العقال اقصد مطب ومكسر الركب حتى اصبحت لها مسميات من كثر ما تظرروا الاواد منه)
في النهايه ما اقول الا الله يكون في عوووووووننا وهنيالكم ياصحاب الورش كل يوم جايكم ركبه منكسره

[سمح المحيا]

حياك يالصقر

واليوم اكتشف ان المطب عشان الدوار

والله حتى الدوار يفشل..

[أحمد عجب]

الخفجي بادية بالتطـــوير

فانا اتوقع انها ان شاء الله تلاحظ النقطة هذي

ويعدلوون

ويعطيك العافية على الطرح

[فيصل44]

كلامك عدل مطب موطبيعي ممكن احد من البلدية حاطة بيفتح محل كفرات وزن اذرعة ولا الاخوان يسمعون بالمطبات بس ماعرفو وين موقعة وحطوه اتوقع يمر احد الاخوه المسؤلين وياكل المطب اويتصل في ابومحمد ويشيله وسلامتكم

[ولد الولد]

أحسن شي شاطرين فيه البلديه المطبات الصناعيه

ماباقي الا يحطون مطبات داخل بيوتنا