قلت لك انتي اميره بس (اسف كذبت)

[شيخة الغيد]

الموضوع على لسان أحد الذئاب البشرية
هي قصة من نسج خيال الكاتب لكنها
حدثت كثيرا للاسف بنفس الطريقة او بإخرى !!



البداية :




كنت اشاهد أحد القنوات الغنائية ( الشات تحديداً )



لقيت ثلاثة شباب ( يستهبلون على بنت ) .. بسبب ميولها الرياضي




فأرسلت على القناة ( وأترييق على الشباب ) ..



وبأنها موب رجولة إن الواحد يفرد عضلاته على بنت !!



يعني عشانها لحالها .. وضعيفه ..!!



...




وصار بيننا مشادة بالحكي ...



فأرسلت رقمي ( بطريقه مشفرّه ) ..



وقلت لهم ..



اللي في راس امّه خير .. يتصل ويقابلني ..




( طبعا أنا كل هدفي إني اكسب إعجاب البنت )



ولا أرسلت رقمي عشان نتهاوش ..



بالعكس ..



أرسلته عشان تشوفه البنت وتاخذه وتحفظه عندها ..



......





(بعد ثلاثة أيام )




جتني رسالة على الجوال .. :




السلام عليكم ( انا فلانه )



ياليت تضيفني عندك على المسن ..



وياليت ماتتصل على الجوال هذا ابد ..



....




أضفتها ..



وجلست أكلّمها شوي ..




ثم جلست تشكرني على مداخلتي وعلى شجاعتي ..



وإستاذنت وقالت برب أنا مشغوله ..



...




جلست اسبوعين ماكلمّتني ولا كلمّتها ..



لكنّها متصّله ..بس ما نسولف ..




يوم من الأيام مسكت معي غلط ..




ودخلت عليها ( محادثه ) ..



وسألتها .. ليه ماتسولف .. هل هي مشغوله ..؟




قالت :



إنها ماتعودّت تسولف مع رجال ..



لكّنها اضافتني لأني كبرت بعينها بعد اللي صار ذاك اليوم ..



وبدأت السوالف بيننا .. وطاحت الميانه وكسرت البنت الخوف




فإن معي تكلمتي
وإبتسمتي وضحكتي



وباب للشيطان فتحتي



سأجبرك على فتح عشرين باب
....
طبعاً ( انا كــ/ ولد )



كلمّت اكثر من عشرين بنت ..



والعشرين كلهم يقولون نفس الكلام ( إنه أول مرّه يكلمون ولد )



وعشان كذا ماصدّقتها ..




وأرسلت لها اغنيه ( ) < ملف تجسس



والغبّيه فتحته ..



فدخلت على جهازها .. وشفت صورها ..



وأخذت أكثر من صوره ( لها ) ..





...




لكن الصوره مالها أي قيمه ..



إذا ماعرفت اسمها ووين ساكنه ..!!؟



..



عشان كذا ..



ارسلت رقمها ( لواحد في الإتصالات ) ..



عشان يعلمّني بأسمها ...




لكن الرقم كان ( بأسم هندي ) ...




فما عندي خيار .. إلا اني اخذه من البنت نفسها ( بطريقتي الخاصه )




فشرعت بقول أجمل الكلام لها ..



وبأنها مختلفه عن بقّية البنات ..



وإني بديت أحبّها .. لأسلوبها ولطريقة كلامها والخ


















لا أعرفك .. ولم اسمع صوتك .. ولم أراك








وأوهمتك بإني احبك ..وأعشقك وأهواك ..
وأني بكِ هائم ومفتون
وإن حبكِ اصابني بالجنون


وأن إجمل لحظاتي عندما اكون معاك ..










.....






بعد فترة ..



تعلّقت بي ..



أقدر اقول اني سحرتها .. وملكتها ..



فطلبت منها الزواج .. فوافقت ..



أخذت اسم ابوها .. واسم جدها .. واسم ابو جدها والعائلة



بحجّة إني راح اسأل عنهم ...



وعشان اذا جيت أخطبك وسألني ابوك



أكون عارف عنكم كل شي





...




ارسلت اسم ابوها الى صديقي في الإتصالات ..



وعطاني رقمه .. ورقم اثنين من عياله ( اللي هم اخوانها )





...




فاتصّلت على جوالها ..



ماردّت علي << لأنها رافضه السوالف على الجوال



فأرسلت لها ..



ضروووووووري ( اسمعيني ولا تتكلمين )



..




اتصلت مره ثانيه .. وردّت علي




وسكتت .. ولا تكلّمت



...



قلت لها ..




رقم ابوك كذا وكذا وكذا وكذا



ورقم اخوك فلان كذا وكذا وكذا وكذا



ورقم اخوك الثاني كذا وكذا وكذا وكذا ..



ورقمك انت ( مايحتاج اقولك من وين جبته ) !!!




وعندي لك اكثر من صوره بالجهاز



وانتي لابسه الفستان القصير باللون الأبيض ..



وصدقيني لو ماتسّوين اللي ابيه انا ..



راح اتصل على ابوك ..



وعلى اخوانك ..



وراح اقولهم اسمك ورقمك وارسلهم صورك ..



عشان يتفاهمون معك صح ( ويمكن يذبحونك )




تدرون وش صار ..؟





ملكتك ..








حتى أصبحتِ كثيرة التفكير
أقنعتك ..
بإني في هواكِ أسير



إلى أن وصلت إلى مرادي وانتهيت


ورحلتُ عن عالمك المحدود وإختفيت






...





بعد ما انتهيت ..



التفت لي وقالت :



انت قلت اني غير البنات كلّهم ..



انت قلت انك تحبّني موت .. وإنك راح تتزوجني ..





فكان جوابي لها ..









قلت لك سابق ( أنتي أميرة )








لكن للأسف كاذب .. أنتي حقيرة
خنتِ نفسك ..!!
خنتِ أهلك ..!!



وأصبحتِ بعد عزّك كسيره





إنتهت القصة







أهم النقاط



* إلى متى والبنات ينخدعن بإسم الحب ؟
* محادثة الرجل والمرأه من خلال الماسنجر ( هل يعتبر صحيح ام خطأ ) ؟
* هل تعتقدون ان الفتاة التي في القصة غبية ؟




ملاحظة



يمكن البعض يقول ( إن القضية هذي مستهلكه ) وتكلّم الناس عنها كثير




لكن صدقوني ...!!




كل يوم يطلع جيل من البنات ( يكونون ضحية الحب )


وصلى اللهم وسلم على رسولنا محمد وعلى آله وصحبه وسلم آجمعين

[أبو الوليد]

[align=center].







سلمت على الطرح القيم




والله يعطيك العافية



شـكــ وبارك الله فيك ـــرا لك ...!!



لآ حرمنا من كل جديدكــ .. .. ولآ عدمنا تواجدكـ المميز ...!!




::


وفقك الباري



.. .. ومضـــــــــــــــــــــة .. ..

من شجرة واحده تصنع مليون عود كبريت ..!!
ويمكن لعود كبريت واحد أن يحرق مليون شجرة ..!
لذلك
لا تدع أمر سلبي واحد يؤثر على ملايين الإيجابيات في حياتك .

[/align]

[كورن فلكس]

الله يجزاك الجنة

[شيخة الغيد]

مروركم اسعدني ..

[صانع الإبداع]

الله يعطيك العافية

[أبو رائد]

الله المستعان ..

سلمت على طرحك

وعلى موضوعك القيّم

والله يعطيك العافية

[شيخة الغيد]

شبــل العقيده ..


ابو رائـــد ...

أسعـــدني مروركم ..

[هوآجيس]

بصرآحه ما أحب أكتب رد مستهلكـ مثل هالموضوع المستهلكـ

لكن بعطيك وآقع نعيشه ونشوفه بمجتمعنا

يا شيخة الغيد تتوقعين إن البنت هذي لما أرسلت له رساله بس لآنه كبر بعينها ؟؟

ليش ما أرسلت له كلمة شكر على الشات وقدآم العالم كله بدون ما تعطيه إيميلها أو رقمها ؟؟

ليش طلبت إنه يضيفها عندهـ ع المسن ؟؟؟

ليش سولفت معاهـ من الأساس ؟؟

أنا في موضوع قبل هالموضوع كان عن تعامل الولد مع خوآته وكتبت فيه إن البنت محتاجه لأحد يسمعها ويحسسها إنها مو وحيدهـ بدنياها ولها عزوهـ حتى لو أخطت ممكن إنهم يساعدونها ويصححون خطاها

لكن هالبنت اللي بالقصه (( المستهلكه )) هي اللي جابتها لـ حالها وأعتقد بهالزمن مافيه بنت غبيه تستسلم لآي ذئب بسبب صورهـ أو أية معلومات عن أهلها إلآ إذا كان لها سوآبق ويعرفونها عنها أهلها وعشان كذآ خافت إنها تجيب العيد بنفسها

أسمحي لي يا شيخة الغيد على كلآمي ولكن أنا ما أحب أتكلم بالمجاملآت

بالعربي (( إنسآن وآقعي ))

وبعطيك بعض الحلول الممكنه للبنت إنها تسويها عشان ماتصير لها الفضيحه

الحل الأول إنها تبلغ الهيئه وهذولآ هم أحسن نآس في هالأمور

الحل الثآني إنها تحاول توصل لـ رقم أمه أو أبوهـ أو أخوهـ أو أي وآحد من أهله أو رقم بيتهم أو رقم أخته وتحل المسأله عن طريقهم

الحل الثآلث إنها تآخذ أخوها اعقل أخوآنها وتحكي السالفه من طق طق للسلام عليكم وتبين له إنها آسفه وتخلي أخوها يحل المشكله مع الطرف الثاني بالعقل مو بالعنتريه والهوآش

الحل الرآبع *******************************************
************************************************** *
(( تم التشفير لألآ يحذف الرد من الموضوع أو يتم إيقاف العضويه ))

الحل الخآمس إنها تعاندهـ وتخسركل شي وتقول الصور مآرآح يشوفونها أهلي وإذا شآفوها بقول لهم كآنت بـ جوآلي القديم اللي بعته ولآ أي ترقيعه من هالترقيعات

الحل السآدس تنتحر وتريحنا من هالسآلفه

وآسف ع الإطآله آنسه شيخة الغيد بس حبيت إن ردي يكون كآفي ووآفي مو مجرد كلآم ع الفاضي

[شيخة الغيد]

اخوي هواجيس ..

اولا فعلا ملينا من الردود (المستهلكه).. اللي بس مجرد زياده في عدد المشاركات ..

ثانيا .. كلامك وااقعي وانا معك في هالزمن البنت مش غبيه ...وخاصة اللي عندها عزوه .. بس خوفك على المراهقاات اللي في بداية حياتهم احس هم اللي ينغرون بهالاشياء ..
وانا نزلت الموضوع وكنت قااصده فيه بنات هالعمر .. مع انتشار المسلسلات التركيه وغيرها من البرامج العاطفيه هذا غير الاغاااني الحساسه والرومنسيه .. حتى لو ماكان عندها حبيب اتوقع مع هذا كله بترووح تبحث لهاا على اي شخص يعيش معها في قصتها الخياليه واللي تفكر انها بتتحول لوااقع ولاتعرف شاللي بيصير فيها ..

اخوي هواجيس لاتفكر ان كل البيوت فيها اخواان او اهل مثل ماتقوول ... في هالزمن البنت اذا ماحافظت على نفسها وصارت ذكيه مستحيل احد يهتم او يحافظ عليها ... الحلول اللي قدمتها كاافيه ان اي بنت تفك نفسها من مشكله طاحت فيها .. او تحمي نفسها من الفضيحه ..(ومو كل مره تسلم الجره )..واتمنى مع الاياام ماتوصل للحل السادس

اشكرك من اعماااق قلبي على تفاعلك في الموضوع ..

[ليت الزمن يرجع]

اشكرك ياشيخة عالقصه صحيح انها معروفه وسمعناها كثير بس الجيل الجديد (المراهقات)يحتاج كل شوي نذكرهم بهاشي وطبعا مابيسمعون للي اكبر منهم فالصه هي احسن حل وانا خليت اختي تقراها علشان اذا بخاطرها شي تخاف وتعرف من غير ماوجه لها الكلام لانهم كذا مايحبون النصايح اشكرك والشجره المثمرة دايم تجذف بالحجر.