ظاهرة دخول العريس على النساء بالخفجي !!!

[مجنونة .com]

[align=center]هناك ظاهرة أرجو تعليق الجميع عليها انتشرت هذه الظاهرة في الفترة الأخيرية من السنوات الماضية وهي دخول العريس برفقة والده واخوانه وبعض أقاربه على النساء ليلة الزفة (ليلة العرس) في أغلب الزواجات بالخفجي !
هل هذه الظاهرة صحية ! وهل هي عادة إجتماعية ! أم أنها فعل محرم ! هل هذا صح أم خطأ !!!
ودي أسمع أراء الجميع !! وياحبذا كل واحد يعطي رأيه يقول هل هو يؤيد هذا التصرف أم لا ولماذا !!!
وهل هذه الظاهرة بالخفجي بس أم أنها في بقية محافظات المملكة !![/align]

[الهلالي2010]

فعلا هذه الظاهرة نسمع عن تفشيها في الفترة الأخيرة بكثرة

وهي في الخفجي فقط

والظاهر انها جتنا من بعض الدول المجاورة وهي ظاهرة غير طيبة ومحرمة وغير صحية وتنافي تقاليدنا وقيمنا العربية الأصيلة 0

وأنا ارفضها ولا اقرها ولا أويدها اطلاقا لأنها حرام

وشكرا لكاتبة الموضوع على هذا الطرح والنقاش واعتقد والله اعلم ان هذا من التعاون على الخير فطرح مثل هذه المواضيع والمخالفات في المواقع الالكترونية تفتح اذهان الناس وتنبههم وتحذرهم من الوقوع في الخطأ0

[goree]

يسعدك ربي غلاتي

وتسلمي عالطرح البناء

بس احب اوضح لك شيء
انه هي مو بس بالخفجي
يعني حتى عندنا بالرياض والمحافظات اللي حولها فيها

مو انه كل الزواجات بس بعضها
وبالنسبه للمحيط اللي حولي حسيتها قليله
يعني كـ دراسه علميه
تصير في زواج من بين عشر زواجات عندنا

وطبعاً
ماني من مؤيدينها
بـ غض النظر عن الحكم الشرعي مع انه هو الأهم اكيد
بس اساساً مالها داعي
تدخل على حريم بكامل زينتهم وماهم محارمك ..
وفوق هذا يطولون مو يجلسون شوي ويطلعون..
لا يجلسون يسلمون ويباركون ويرقصون
:.
يعني العروسه لحالها ويكفي ومولازم بعد <~ كثرت العين والحسد هالايام
المعرس واهله وجيرانه وربعه يدخلون ليش

هذا رأيي
ووجهة نظري

ودمتم

[تبہٌ_ٍطي اخليٍك]

انا اتوقع انهم يبون يتدلعون قدام الحريم ظاقت عليهم يرقصون ولا ياشباب

[This is me]

مافيها شي مو حرام الواحد يفرح بليلة العمر شي جدا طبيعي

اذا لك نظرتك انا احترمها ..بس مو الكل زي بعض

انا اشوفه شي عـــــــــادي

[أزف الرحيل]

خلو الناس تفرح هي ليله بالعمر


العروس ملكه تتوج يوم حفلة زفافها هي وعريسها الملك


انا اشوف الوضع عادي ......

وذلك بتنبيه لنساء قبل دخول العريس حتى يكونون بكامل حشمتهن



والي مو عاجبها ولا عاجبه لا تحضرون الحفله ...


السوق والمجمعات اختلاط...المستشفى اختلاط ...العمره والحج اختلاط ..


المحكمه اختلاط ....كل مكان اختلاط ...



الاهم والمهم الحشمه والستر لنساء في اي مكان



والله يوفق الجميع ...........

[كلي خفجاويه]

اما حـرمتووهاااااا ...

بعدين .. عادي الوضع رجال ودخل هو وابوه واخوانه يحتفلون وش صار بالدنيا

واستغربت الصراحه من كلمة ( صحـيه ) << ليش المعرس فيه جرب مثلا لما يدخل

والظاهره هذي موجوده بكل مكان بالسعوديه ..

وما اعتبرها بالاساس ظاهره

الظاااهره اللي المفروض نستغرب منها

انه اشوف بالخفجي العروس ما تدخل ولا تحتفل بزواجها والله حراااام

تروح تكشخ وتتعب وفي النهايه ما تدخل

هذا اللي جد يسمى ظاهرة (وظاهرة غريبه بعد )

يعني العروس تلبس فستان وتحط الميك اب وكل شي
وخساااااير في النهايه تقعد بغرفة في بيت اهلها
ويروح زوجها ياخذها من هناك

يحسسوني انهم مسوين شي غلط

واذا على المعرس ما فيها شي اذا دخل الواحد
لازم ينبسط يوم زواجة

وربي يعطيك العافيه على هيك موضوع

[مكسراآت شقية]

هذي الحركه مالها داعي بقوووه وهي موجوده بكل مكان
في جده حضرت زواج بنت عمي والعريس ابتلشت فيه يمشي طاير وهي حبه ونص
مسكينه ابتلشت بالفستان وبزوجها احد قالها تدخله

لا وكملها اخوها دخل يرقص فشششله ماله داعي
انا استحيت من عمايلهم وانا مالي دخل
شكله مره مو حلو وهو يرقص قدام الحريم

الرجال يبون يوروا الحريم رقصهم

[BMW999]

هذي ضاهرة لقبيلتين بالخفجي

واهم اكثر شــيء بالخفجي

وانا ما ايديها لأن ما اعتقد احد يرضي ان اهله يكونون بالعرس

والمعرس جاي ومعه عشرة رياجيل داخلين ع النسوان

بتقنعوني ان عيونهم ما هي رايحه يمين ولا يسار

الحمدلله والشكر

انا اعتبرهم نقوص

وجهة نضر

[مجنونة .com]

اقتباس المشاركة الأصلية كتبت بواسطة الهلالي2010 فعلا هذه الظاهرة نسمع عن تفشيها في الفترة الأخيرة بكثرة وهي في الخفجي فقط والظاهر انها جتنا من بعض الدول المجاورة وهي ظاهرة غير طيبة ومحرمة وغير صحية وتنافي تقاليدنا وقيمنا العربية الأصيلة 0 وأنا ارفضها ولا اقرها ولا أويدها اطلاقا لأنها حرام وشكرا لكاتبة الموضوع على هذا الطرح والنقاش واعتقد والله اعلم ان هذا من التعاون على الخير فطرح مثل هذه المواضيع والمخالفات في المواقع الالكترونية تفتح اذهان الناس وتنبههم وتحذرهم من الوقوع في الخطأ0

الف شكر لك على مشاركتك وأقدر رأيك الخاص ووجهة نظرك

دمت بحفظ الله